標籤: 忽那諸島

0

島上遇到貓 ~ 興居島 (gogoshima)

响興居島搵貓之際, 有位小學生岩岩落校巴返屋企, 見到我時, 好有禮貌同我打招呼. 我問佢附近有冇貓, 佢答我話有, 於是我就問佢D貓响邊, 佢諗左一陣,話帶我去搵, 不過會有可能唔出現. 我話我明白, 無問題, 唔該晒. 一齊行去搵貓既時候, 佢知我唔係日本人, 就問我响邊度黎, 我答香港, 但佢唔識香港呢處地方. 我話俾佢聽香港响好遠, 我坐左3個鐘飛機黎.

以往經驗, 同外國人講我係由香港黎, 絕大部份都知道香港, 忽然有人話未聽過, 係會有D手足無措既感覺 . 小朋友帶我去到, 我就話我自己再搵, 走嘅時候, 佢同我hi five! 我兜左一陣之後, 真係見到幾隻肥貓 . 希望有機會去埋泊果邊, 睇下會唔會有其他貓.

 4,044 total views,  2 views today

Bitnami