島上遇到貓 ~ 二神島 (futagamijima)

根據wiki所講, 位於日本四國愛媛縣松山市近嘅忽那諸島, 總共有7個島, 分別為中島, 津和地島, 怒和島, 二神島, 睦月島, 野忽那島同由利島. 當中由利島係無人住. 雖然行程中有幾日落大雨, 但都叫走馬看貓, 先後登上全部有人住既6個島.

出名黑仔嘅我, 路上又遇到大雨天. 但既然一場黎到, 除非佢唔開船, 如果唔係就當探路都好. 搵貓之際, 有位婆婆問我响邊度黎, 我答佢我係由香港黎影貓. 於是佢就返屋企, 然後同叫佢老公帶我去搵貓! 果時落緊超大雨, 佢老公特登走出黎, 拎住遮帶我去四圍搵貓同幫我問人. 其他島民聽到我由香港黎影貓, 都好熱心提供貓點. 其中一處係堤壩, 因為平時好多人釣到魚就會餵貓. 果日都有釣魚, 佢地都話成朝都無見過D貓出黎.

伯伯姓大迫(Osako), 我都係第一次見呢個日本姓氏. 我問公公識唔識晒島上既居民, 佢話大半啦, 婆婆就應該全部都識. 雖然全程只係遇到一隻貓, 但係遇到親切嘅大迫夫婦, 似乎比遇到貓更開心, 更溫暖.

二神島遇到唯一嘅貓

二神島風景

四月尾時, 松山果邊仲有好多遲開既櫻花. 二神島上面嘅其中一棵.

唔同嘅島有唔同形狀既防波石

用黎捉八抓魚嘅

呢個就係本黎有貓嘅堤壩. 果朝都有人釣魚. 地上面一堆堆既海草, 大迫伯伯話係全島第一美食!

佢地垃圾分類真係好仔細

希望再有機會, 去睇下好天氣之下嘅二神島!

二神島上面係無食肆, 汽水機就有, 所以大家記得帶備乾糧!

另外, 長崎都有個二神島的, 大家google搵資料要留意.

交通資訊

去忽那諸島, 我全部都係由高浜港出發, 坐高速船或可載車嘅Ferry. 因我住松山, 我就搭伊予鉄道高浜線, 坐到去總站高浜駅. 一出高浜駅行過對面馬路, 就係碼頭.

高浜駅

高浜駅對面過一條馬路就係碼頭

去二神島就要坐中島汽船嘅西線. 船有分高速船同可載車既Ferry. 快船同慢船唔係差太遠, 但價錢就差好多. 大家可以去中島汽船嘅睇官網資料, 然後自己衡量一下:

船期表:

http://www.nakajimakisen.co.jp/contents/time-table.html

船費表:

http://www.nakajimakisen.co.jp/contents/price.html

因為要就行程, 我就揀左坐快船

上到船入面, 可以拎到既証明書, 應該係比上班族claim錢用

 

 

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

1,024 total views, 1 views today

您可能也會喜歡…

發表迴響

你的電子郵件位址並不會被公開。

Bitnami