島上遇到貓 ~ 田代島 [上] (tashirojima)

唔係去田代島嘅話, 我諗我未必會去仙台. 仙台出名牛脷, 四圍都見到有得賣有得食. 但我就唔係咁好牛脷. 一隻牛得一條脷, 我一直都諗佢地點劏到咁多隻牛. 我好鍾意東日本果架雙層E4, 當年仲可以坐佢去仙台. 現在E4已轉行上越新幹線.

到左仙台後, 轉搭仙石線去到石卷. 如果鍾意貓又同時鍾意幪面超人嘅你, 就唔好錯過” 石ノ森萬画館”.

http://www.man-bow.com/manga/

當年嘅仙石線, 車身有石之森章太郎嘅漫畫人物. 不過呢個係松島海岸駅

石卷駅

 

石卷駅外嘅郵箱

由石卷駅去碼頭非常近, 印象中十幾分鐘的士就到

離開石卷市

向著田代島出發

船會先停大泊

然後到達仁斗田

碼頭附近嘅田代島地圖

民宿老闆日下さん親自到碼頭接船, 車我地行李上民宿. (下集會有更多介紹)

有貓帶路去民宿

2016年响相島遇到西洋女主播, 當年就响田代島第2日下畫, 遇到東洋女主播. 女主播內田敦子嘅英文唔錯, 好奇點解我地咁遠由香港黎影貓

影完一輪貓之後, 返到民宿, 先知道原來攝制隊一行4人都係住响度. 女主播寫比民宿嘅留言.

民宿老闆話比我地知, 漁船天光時會返黎漁港. 於是晨早5點就起身落去碼頭. 去到時, 已見唔少日本遊客. 其中一個日本人, 問知我係香港黎之後, 佢話唔識廣東話, 但就同我講普通話. 所以在田代島三日, 都係零廣東話.

第一次親眼見到貓咬住咁大條魚! (之後响玄界島見到再大條D!)

日頭出齊後, 漁港又回復寧靜

田代島郵局

由仁斗田行半個鐘左右, 就會到達山頂附近嘅貓神社. 再向前行落山就係大泊. 但當日太熱, 我地無行到

見到傳教士响田代島留下嘅足跡: “耶穌基督在十字架上擔當了世人的罪”

乳牛貓

想繼續看嘅話, 請按此連結: 島上遇到貓 ~ 田代島 [下]

交通資訊

我地係由東京出發, 坐新幹線, 大約個半鐘就到仙台.

到左仙台, 就轉仙石線, 大約一個鐘就會到石卷.

到左石卷, 火車站外可以坐巴士或的士去碼頭.

坐巴士嘅話, 可以坐”石巻市内線”, 然後响” 網地島ライン前”落車.

http://www.miyakou.co.jp/bus/route/index.php

若然大家拎住行李嘅話, 坐的士都唔需要擔心跳到心臟病, 因為火車站去碼頭都唔係太遠.

揸車去嘅話, 附近有無料停車場.

碼頭

船由石卷出發, 會先停田代島嘅大泊, 然後再停田代島嘅仁斗田.

之後離開田代島, 會先停網地島嘅網地, 然後再停網地島嘅長渡.

最後離開網地島去鮎川.

船期可以到船公司官網睇:

http://ajishimaline.com/index.html

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

2,653 total views, 3 views today

您可能也會喜歡…

發佈留言

發佈留言必須填寫的電子郵件地址不會公開。

Bitnami