島上遇到貓 ~ 中島 (nakashima)

根據wiki所講, 位於日本四國愛媛縣松山市近嘅忽那諸島, 總共有7個島, 分別為中島, 津和地島, 怒和島, 二神島睦月島, 野忽那島同由利島. 當中由利島係無人住. 雖然行程中有幾日落大雨, 但都叫走馬看貓, 先後登上全部有人住既6個島. 不過今次唔係講忽那諸島, 而係講正正對住高浜港碼頭嘅興居島.

中島係忽那諸島之中, 最大嘅一個, 上面有3條巴士線行駛. 中島有三個碼頭, 分別係西中, 神浦同大浦. 中島汽船分東西兩條線, 東線停大浦, 西線就停西中同神浦. 因為當日我係由怒和島過黎, 而怒和島只有西線行走, 當時既班次, 只容許我揀去神浦. 希望有機會去埋另外嘅西中同大浦睇下有冇貓.

以下呢兩張, 可能要用電腦大mon先睇到隻貓.

中島風景

滿開

再黎滿開

我想入會

呢D燈檯見過唔少, 但都係岩岩先知原來有名, 叫常夜燈

中島巴士

交通資訊

去忽那諸島, 我全部都係由高浜港出發, 坐高速船或可載車嘅Ferry. 因我住松山, 我就搭伊予鉄道高浜線, 坐到去總站高浜駅. 一出高浜駅行過對面馬路, 就係碼頭.

高浜駅

高浜駅對面過一條馬路就係碼頭

去中島可以坐中島汽船嘅東線或西線, 視乎你去邊個碼頭. 東線就去大浦, 而西線就去神浦同西中. 船有分高速船同可載車既Ferry. 快船同慢船唔係差太遠, 但價錢就差好多. 大家可以去中島汽船嘅睇官網資料, 然後自己衡量一下:

船期表:

http://www.nakajimakisen.co.jp/contents/time-table.html

船費表:

http://www.nakajimakisen.co.jp/contents/price.html

船入面既裝潢感覺幾豪華

上到船入面, 可以拎到既証明書, 應該係比上班族claim錢用

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

1,542 total views, 2 views today

您可能也會喜歡…

發佈留言

發佈留言必須填寫的電子郵件地址不會公開。

Bitnami