島上遇到貓 ~ 津和地島 (tsuwajijima)

根據wiki所講, 位於日本四國愛媛縣松山市近嘅忽那諸島, 總共有7個島, 分別為中島, 津和地島, 怒和島, 二神島, 睦月島, 野忽那島同由利島. 當中由利島係無人住. 雖然行程中有幾日落大雨, 但都叫走馬看貓, 先後登上全部有人住既6個島.

上次同大家介紹過睦月島, 今次就到最遠既津和地島. 我去到津和地島時落住大雨, 所以好多貓都無出黎. 若然好天嘅話, 憑我咁多年影貓嘅感覺, 我相信津和地島應該都有唔少貓.

呢隻小黃貓, 陪我行左幾條街

津和地島風景

津和地島只見小士多, 唔見食肆. 所以去之前最好自備糧餉. 汽水機就不缺的. 响津和地島, 係一句廣東話都聽唔到, 非常好!

成個島好似响仙境入面, 其實係落緊大雨

見到一間民宿, 不過唔知有冇營業

獅子就見得多, 臘腸狗都係第一次見

第一次見呢D電線, 似係要黎防小動物多

响睦月島都見到一棵差唔多造型嘅松樹

响日本不時都見到呢D水樽, 但到E家我都唔知有乜野用. 有冇朋友知道呢?

忽然遇到格格不入嘅街燈

見到幾特別嘅保護罩

每個島防波堤嘅門都有D唔同

津和地島意外地見到好多車

交通資訊

去忽那諸島, 我全部都係由高浜港出發, 坐高速船或可載車嘅Ferry. 因我住松山, 我就搭伊予鉄道高浜線, 坐到去總站高浜駅. 一出高浜駅行過對面馬路, 就係碼頭.

高浜駅

高浜駅對面過一條馬路就係碼頭

去津和地島就要坐中島汽船嘅西線. 船有分高速船同可載車既Ferry. 快船同慢船唔係差太遠, 但價錢就差好多. 大家可以去中島汽船嘅睇官網資料, 然後自己衡量一下:

船期表:

http://www.nakajimakisen.co.jp/contents/time-table.html

船費表:

http://www.nakajimakisen.co.jp/contents/price.html

因為要就行程, 我就揀左坐Ferry

船入面既裝潢感覺幾豪華

上到船入面, 可以拎到既証明書, 應該係比上班族claim錢用

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

2,001 total views, 1 views today

您可能也會喜歡…

發佈留言

發佈留言必須填寫的電子郵件地址不會公開。

Bitnami