島上遇到貓 ~ 姫島 (himejima)

今次同大家分享的是福岡県糸島市的姫島. 點解要咁詳細講, 因為google姫島, 首先會出大分県的姫島, 然後會出大阪的姫島駅, 好後先會出我去的呢個姫島. 去姫島嘅船每日只有四班 (http://www.city.itoshima.lg.jp/soshiki/7/tosen.html), 島上面有兩間民宿. 有機會再去嘅話, 我會去食蠔同埋在姫島過夜. 船程三個字就到.

我地去到嘅時候, 漁港無漁船返黎, 有嘅話, 應該都可以影到貓食魚嘅畫面. 島上面遇到嘅居民唔多, 見到陌生人時都會主動打招呼, 大人細路都是. 有位嬸嬸見我地黎影貓, 就話俾我地知邊到多貓. 姫島同日本其他好多島一樣, 好靜. 你只會聽到海浪聲, 同間中一兩下鷹嘅叫聲. 下畫嘅時候多左少少嘻笑聲, 有小朋友放學坐船返到黎. 近排有熱心影友推動影日落, 影星, 影銀河, 諗到小朋友在無空氣污染, 無光污染嘅島上成長, 隨時可以見到漫天星宿, 水平線日出日落, 心裡面只有羨慕.

日本好多島响高位都有神社, 而行上神社嘅階梯前都會有座島居

呢張貓跟左我地幾條街

望住島上面懶洋洋嘅貓咪, 實在唔想離開

姫島風景

姫島比玄界島細, 民居主要集中响島南邊嘅漁港  姫島係無可環島行嘅路.

好靚嘅水平線

由姫島望返過對岸

姫島上只有一間小超市, 可以買杯麵, 有熱水供應.

糸島市立志摩中学校姫島分校, 六角形設計嘅校舍

交通資料

我地係由博多出發, 因為無租車, 所以首先要坐地鐵去到筑前前原, 然後轉巴士(芥屋線: http://time.khobho.co.jp/showa/dia/asp/tim_Rosen.asp?kaiDay=NOW&projCd=1&rosenCd=00025)去到岐志漁港. 自己揸車去就大約一個鐘.  碼頭側邊可免費泊車. 另外, 巴士嘅班次唔係太夾船期, 自己揸車時間就會比較見洗.

由博多坐地鐵去筑前前原有D得意. 因為其實係有兩條線, 由博多至姪浜係地鐵, 由姪浜至筑前前原就係JR九洲. 但係, 兩條線係用同一條路軌, 所以有D班次是直通, 唔需要轉車. 而我來回咁岩兩次都是直通. 大家上車時要留意一下.

 

呢個係門口位嘅扶手吊環, 我覺得呢個設計唔錯

 

岐志漁港有好多燒蠔店, 十月至四月才開. 鍾意食蠔的朋友可以响呢段時間黎.

去姫島嘅船每日只有四班 (http://www.city.itoshima.lg.jp/soshiki/7/tosen.html).

去姫島嘅船「ひめしま」

船倉

 

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

2,738 total views, 4 views today

您可能也會喜歡…

2 個回應

  1. 思考表示:

    之前看到不少文章都是台灣民宿,還以為你是台灣人,哈哈。
    我住在西貢,一些半荒廢舊屋常有貓出沒,平日也很喜觀留意他們 🐱

發佈留言

發佈留言必須填寫的電子郵件地址不會公開。

Bitnami