島上遇到貓 ~ 相島 (ainoshima)

因為傳媒過份嘅報導同fb擴散嘅威力, 大家會以為福岡只有兩個貓島, 相島同藍島. 今次先同大家分享相島. 相島似乎比藍島有更多外國人去, 事關响新宮港碼頭已見到貼住poster大大隻字用英文寫叫人唔好餵貓, 去到相島碼頭一落船亦會見到幾張. 上次去田代島遇到電視台東洋女主播拍特輯, 今次就遇到電視台西洋女主播拍攝特輯. 相島同玄界島, 姫島唔到, 遇左會聽到廣東話, 有心理準備會好D.

黎接船嘅就係呢隻黃貓

相島有一間食堂, 有拉麵有刺身定. 我地食lunch時, 西洋女主播都入黎拍左一個食刺身shot. 如果擔心無開嘅話, 福工大前駅巴士站前面就有間family mart, 可以買定野食. 新宮港碼頭附近都有間餐廳. 想過夜嘅話, 相島有民宿可以入住.

印象中佢地好似都有到呢隻黑貓做訪問

相機食先

雖然相島超多遊客, 但路上都遇到唔少島民話我知邊度有貓出沒. 同船有兩位NTT嘅師傅, 應該係去相島做維修, 我地行左入村時見到佢地, 佢地問我地係咪搵貓, 之後就帶我地去一間屋話個花園有貓B. 相島同玄界島差唔多大, 亦都有條環島路, 但我果日實在有點曬同天氣開始熱, 所以無行到. 天氣涼D同無咁多遊客嘅話, 我會停留影一日. 講開又講, 其實我影貓都夠傻, 今次遇到對手, 有位人兄响同一個位, 影左差唔多4粒鐘! 小弟甘拜下風. 差唔多走嘅時間, 响村嘅另一邊, 電視台D crew問返我見唔見到有貓, 因為佢地都要搵貓影.

島民在餵貓B

貓B嘅爸爸

好得意嘅Kumamon浮波

路上遇到家燕

因為當日太熱, 我地無行過去

第一次見呢種曬籠

同船有一班小學生黎相島field trip

食堂出面有位遮蔭, 老師就叫小朋友坐好一齊等上船. 兩隻黑貓就旁若無人咁繼續瞓覺. 一個美好嘅人貓共存畫面黎結束相島之旅

交通資訊

由博多駅出發, 首先要搭JR(鹿児島本線)到福工大前駅,  然後再轉巴士(相らんど線1號)去新宮港. 如果你坐西鉄嘅話, 就坐到新宮駅, 然後再轉巴士(相らんど線2號)新宮港. 船每日有5班. 船程約3個字, 轉眼就到. 巴士到站嘅廣播全部都係日文, 但係到左總站就會用英文講多次.

(4月1日至9月30日 ~ 巴士/船班次)

https://www.town.shingu.fukuoka.jp/index.cfm/60,21110,284,191,html

https://www.town.shingu.fukuoka.jp/index.cfm/60,21111,284,191,html

(10月1日至3月31日 ~ 巴士/船班次)

https://www.town.shingu.fukuoka.jp/index.cfm/60,20462,284,191,html

https://www.town.shingu.fukuoka.jp/index.cfm/60,20463,284,191,html

要留意:

-博多至福工大前呢段有快車同慢車(即係站站停), 趕時間嘅話就要睇清楚時間表.

-回程時, 去JR同去西鉄兩架巴士會差唔多時間埋站, 小心唔好上錯.

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次.  夏季同冬季亦可以分有兩組唔同嘅班次. 一個唔留神, 好容易就會睇錯隔離班次.  另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

 

5,352 total views, 6 views today

您可能也會喜歡…

發佈留言

發佈留言必須填寫的電子郵件地址不會公開。

Bitnami